十六萬的蘋果

如果你有十六萬，你會想做d乜？


十六萬可以買到架新車，千五cc以下果d大部份都有找．


自用了ipod後，對apple產品有一種莫名的感情，買過一些accessories(不過無買mac機)；常常幻想，幾時apple會出部"macbook mini"（用ssd，十吋ledmon，價錢唔駛五千，仲要包埋applecare...)，咁十六萬就可以買到32部"macbook mini"．



不過呢個價錢，原來亦隨時只可以換黎一部mac機：




咁個CONFIG梗係堅，另外d options仲堅，當一隻揭人私隱的32g usb手指買緊300蚊時，將部mac pro加到32 g ram 盛惠47,580，呢個價你可以去個歐洲豪華團（仲要係兩位），咁你會買架車，去三次歐洲旅行，定係買部'世紀之mac' 呢?

原來白色入門macbook（HKD 7,800)都幾抵，（一般user其實都唔知用唔用到佢一半功能，仲包埋上世紀的firewire插口添）．

頭痛

最近聽個朋友話佢公司離緊會有同事離開／即將離開，共事咁耐，同事間不捨之情故然有，此外，影響最大的，係日常運作．

事緣他們的工作性質其實都幾專門，同事們要"浸"一段時間才能兼顧各方面；因此佢地既離開，對於公司絶對是一個損失，而我朋友亦要頭痛點樣請人->訓練->留住人才等等一大抽．

不過佢最大鑊既係，佢公司個ceo只係offer佢地搵d臨時工頂住，但係佢地咁講專門訓練既呢一行，d臨時工訓練得黎都夠鐘走，而且d臨時工既位易開難刪，因為公司角度係覺得人頭無少，唔影響做野，加上開支（人工）少咗呢個誘因，咁呢d臨時位就長開長有(即係'長散')，但斷估呢d臨時工都唔會做得耐，係請人->訓練->離職->再請人->再訓練->離職呢個惡性循環下，咁佢交數時就陷入一個deadlock，"人頭無少但係條數少左"，我老友有幾頭痛可想而知，更加唔好提公司氣氛及員工士氣呢d quantify唔到既問題．

我諗好多公司都面對同一個問題，我朋友作為主管既唯一既出路（除左cut數之外），就係犠牲品質，咁其實最後都係會害到d生意，不過到時個ceo可能又已經另謀高就，見微知著，中小企都咁，最近d大機構的種種問題及事故其實都是有跡可尋的．

旺角煙廠

[其他的請看這裏]

在廣華醫院附近的登打士街／煙廠街仍有一個小型街市，當中也不乏一些石屎森林vs小情小趣的情境．






位於煙廠街的街市





醬園油莊




兩幢舊式唐樓夾著一幢較新的住宅大式廈，舊樓拆卸的痕跡仍見於兩幢唐樓的牆壁．





街頭小食

迷

今天與朋友吃飯，他們講起兩個話題：

１．究竟禮賓府（前港督府）地下係咪有條隧道？

２．究竟成龍會唔會係香港開到個博物館呢？

關於話題一：原來彭定康都回應過，不過我淨係想試下ｄ紅酒，同埋如果真係有呢條隧道，不如邊行邊飲邊傾（最好唔收隧道費）．

關於話題二：參照李小龍的例子，我想可以用條formula計出嚟：

kira - L + n x X

Make Sense

廣告是否如實反映現狀原本不太重要，最重要能宣傳其產品優點／特式．不過 soxy-p 系列手提電腦廣告，即企圖將它袋入褲袋那一輯， 真的使人摸不著頭腦，台灣已有高人搞作，拋磚引玉，博大家一粲．


普通laptop






macbook




不過最頂癮都係呢個

路經海邊見隻小船

自從天星碼頭搬遷後，很久沒有座渡輪過海，更不要說'細船'了．

事有湊巧，早兩天前往北角，閒來無事，便往西灣河找吃的，信步到鯉景灣海傍（近嘉亨灣），瞥見附近有一個小碼頭；因跟著要往九龍，便看看這碼頭的航線往那．．．

原來這碼頭的船有往觀塘碼頭及鯉魚門三家村，看看船費及船期表，不到五塊，數分鐘後便有航班，二話不說，便用八達通付費，準備登船．

入閘後見到也有三數人在等候登船，這船上下兩層，略大於一般在'信和'租賃'的遊艇，乘客可以看見掌船人，全程也只不過用了12-3金鐘左右便到達觀塘碼頭，方便之至．而且沿途景色也美，西可遠眺至中環一帶，東望箕簊灣避風塘及鯉魚門海峽，可說目不暇給；到觀塘碼頭時，見到登船渡海的也有十數人；若時間不急趕，這樣乘船過海也是人生一樂．

西灣河碼頭

船上東望避風塘

===========================================

歌名：紙船

歌手/作曲/填詞：許冠傑

路經海邊見隻小船 懷人萬里心暗酸

異鄉的她腦海湧現 如何把相思串

拾起張紙摺隻小船 徐徐地放於水面

靜心閉目許個願 船兒匆匆飄遠

望船實踐我這個願 遙遙長路也不倦

直去到她身邊 只求跟她一見

若他終於見隻紙船 盤旋夢裡千百轉

望她珍惜當中意義 齊齊把相思串

拾起張紙摺隻小船 徐徐地放於水面

靜心閉目許個願 船兒匆匆飄遠

望船實踐我這個願 遙遙長路也不倦

直去到她身邊 只求跟她一見

若他終於見隻紙船 盤旋夢裡千百轉

望她珍惜當中意義 齊齊把相思串

若他一天見隻紙船 盤旋夢裡千百轉

望她珍惜當中意義 齊齊把相思串